Ituri: watoto waangamia katika mashambulizi ya makundi ya silaha mkoani Ituri
Tangu disemba 2022, angalau watoto 60 waliuwawa katika vurugu za makundi ya silaha mkoani Ituri kaskazini mashariki mwa jamuhuri ya kidemokrasia ya Kongo. Takwimu hizo zilitolewa na ujumbe wa shirika la umoja wa mataifa kwa ajili ya amani nchini Kongo (MONUSCO) ofisi ya mkoa. HABARI SOS Médias Burundi
Takwimu hizo za kusikitisha zilitolewa wakati wa uzinduzi wa mazungumzo ya jamii ya Hema yanayofanyika eneo la Bunia tangu siku chache zilizopita.
Karna Soro, mkuu wa MONUSCO mkoani Ituri, anaeleza kuwa watoto hao ni kati ya wananchi 310 waliouwawa na vikundi vinavyotajwa kuwa vibaya tangu mwishoni mwa mwaka jana mkoani Ituri.
” Kati ya tarehe mosi disemba 2022 na 21 machi 2023, tumeorodhesha watu 310 waliuwawa wakiwemo watoto 60. Nadhani katika lugha zetu za Afrika, hatuwezi kupata maneno ya kutumia ili kutoa maana ya hali hiyo. Ituri, Kongo ni ikulu yenu ya dhahabu. Licha ya matatizo na changamoto, tuungane. Damu ni nyingi, mateso ni mengi, hali hiyo inatakiwa kusimama”, alibaini.
Baadhi ya mashirika ya kutetea haki za watoto yanaomba ulinzi kwa watoto upewe kipau mbele na viongozi na pia makundi ya silaha.
You might also like
Siku ya Kimataifa ya Wakimbizi: kati ya matumaini na kujiuzulu miongoni mwa wakimbizi wa Burundi
Tarehe 20 Juni kila mwaka, dunia huadhimisha Siku ya Wakimbizi. Fursa ya kuwafikiria na kutetea, kulinda na kuendeleza haki zao, kulingana na UNHCR. Kwa zaidi ya Warundi 300,000 ambao bado
Cibitoke : mtu mmoja aliuwawa na mwingine kujeruhiwa katika msitu wa Kibira
Kundi la wachimba migodi wanaofanya kazi hiyo kwa kujificha walilengwa na wanajeshi usiku wa tarehe 8 kuamkia tarehe 9 aprili ndani ya msitu wa hifadhi wa Kibira. Tukio hilo lilijiri
Burundi: Mamlaka yazuia vyama na wazazi kuadhimisha mauaji ya Kibimba na kuwataka kuweka shada la maua kwenye kaburi la watu wasiojulikana.
Kwa mwaka wa tano mfululizo, mamlaka ya Burundi inazuia AC-Génocide Cirimoso na wazazi wake kuadhimisha mauaji ya Kibimba. Mamlaka ya Burundi inaeleza kuwa Oktoba 21 ni tarehe iliyotengwa kwa ajili